اختفاء الشيب بدقة

انا معكم دوما ولكن وقتي لا يسمح بالمشاركة دوما المهم وبالمختصر المفيد انا ما كتير كبيرة بس فجاة بدا الشيب يغزو شعري وشو بدي ساوي طبعا الصبغة وبعد عدة اشهر حسيت شعري صار شيحة ونشف اكتر مانه ناشف المهم فكرت وفكرت لحد ما وصلت لقرار انه موضوع الشيب ابدي يعني معقول ضل طول عمري اصبغ وقررت لا صبغة بعد اليوم ما ناقصنا امراض الله خلق لنا بديل طبيعي تروح الحضارة عجهنم المهم صحتنا وفعلا بعثت لي اختي من الخليج حنة يمنية ممتازة وصرت حني كل شهر ومبسوطة بشعري لكني لاحظت بعد فترة ان الحنة تروح بسرعة يعني بعد عشرة ايام يبان الشيب يااللهههههههههههههههه شو الحل راحت بنتي الصغيرة بيوم من الايام عالكوافيرة ساوت شعرها وكانت ملونة لها خصل قلتلها بشو لونت لك ياها قالت قلم ما عرفت البنت شو هو المهم لمعت الفكرة براسي وصرت الون الخصل الشايبة من الامام وهي المشكلة الاكبر بقلم الكحل البني العادي يعني هو حل سريع وموقت لكنه عملي اذا اجاك حد فجاة او ما كنت فاضية تحني على فكرة هو لا يؤثر عالوضوء انتظر ردودكم يا حلوات والله يكون معكم
ادعوا لي بالفرج وربي يحقق اللي ببالي ولكم جميعا نفس الدعاء